十大膠歌頒獎典禮（上）

一首膠歌一個故事，每年樂壇除咗出產流行曲。仲有時會有啲九唔撘八但係又好好笑嘅膠曲出現。有網民每年都搞膠歌十大選舉。今次嘅十大係唔止一年，而係綜合咁多年來嘅膠歌選出十首膠力最強嘅歌曲！

第十位:小明返大陸系列 ­李家仁醫生
http://youtu.be/HeOUNq66alE
作為一個醫生，去唱兒歌己經夠搞笑。仲要係首歌出咗街十年八年先至俾人挖返出來！又無啦啦爆紅，紅到不段有續集出！李嘉仁醫生哩個小明返大陸系列真係前無古人啦！

第九位:嗶嗶嗶 ­ 謝金燕
http://youtu.be/3OfR3NygdaA
誰的老母性感很多人call？你問返謝金燕，佢都可能唔識答。哩首歌嘅填詞人嘅粵語程度相信係零。

第八位:撘錯車 ­ 裕美
http://youtu.be/qsBKMuO7SzU
吔咩嗲∼哩句日文都冇乜香港人會唔識。係唔係因為裕美係半個日本人但又唔識日文，所以填詞人高皓正填左首咁嘅歌俾佢呢？

第七位:Chok ­ 林峰
http://youtu.be/9K85Qa0kAT8
俾人話佢成日chok樣嘅林峰係唔係當咗人地係讚佢所以唱首咁嘅歌呢？

第六位:職安真漢子 ­ 黎耀祥
http://youtu.be/E0fSCqeZ0PE
改編自真的漢子嘅職安真漢子，難度唔會比原版低。睇下個mv就知，唱到幾肉緊呀下！

今次數到第六位先，下次再繼續派膠！而家再加送一首鬼佬膠歌俾大家，就係曾經俾網民話係史上最難聽嘅Rebecca Black嘅Friday，睇下佢嘅負評數目就知咩事!
http://youtu.be/kfVsfOSbJY0