過期十幾年，仍可續領BNO？（2016更新版）

過期十幾年，仍可續領BNO？（2016更新版）

on January 11, 2016 at 1:57 pm

關於續領 BNO，以前只會發生在港人於外地遇上天災人禍時才出現，想不到踏入2016年，港人連生活在香港也感不安；BNO的討論已經超越「旅遊證件」的層面！網上湧現大堆續領 BNO 的教學，今次綜合出詢問度最高的8大續領 BNO 疑問，睇完唔該請記低，唔好問完又問嘞！

傳媒誤報「續領被拒」，原來虛驚一場！

1月初有傳媒報導「港人續領BNO被拒」，惹來一陣討論，不過仔細閱讀內文，就連網民都一眼睇穿原來係誤報，被訪者將英國屬土公民（British Dependent Territories Citizen, BDTC ) 同BN(O) 混為一談，而記者又照報無誤，仲拍埋動新聞，睇到人一嚿雲，需知道BNO就算過期仍可以續領，詳情請睇以下8個QA：

想笑得靚D，有咩秘訣？

Q1：香港人點樣可以續領BNO?

Step 1: 首先你要有資格先，只要在1997年7月1日或之前成功申請過 BNO ，就算過期10年都無問題！

Step 2: 填妥網上申請，並用信用卡付款（可用Master卡、Visa卡）。

網址：https://www.gov.uk/overseas-passports/y/hong-kong

Step 3: 將所需續證文件直接寄到英國當局。收到資料後，相關部門最少需要6個星期處理。

Q2：有乜文件要準備 ?

－香港身份證雙面的彩色影印本
－特區護照或其他國家護照彩色影印本
－於上個月內拍攝的2張相同的護照相片（35mm x 45mm）
－過期BN(O)護照正本
－過去一年內的住址證明（正本）

查詢：https://www.gov.uk/government/publications/overseas-passport-supporting-documents-group-2

Q3：續領BN(O)連郵費要幾多錢？

成人 32 頁護照83英磅（另加郵遞費用24.72英磅）
成人 48 頁護照 91英磅（另加郵遞費用24.72英磅）
另外還有兒童 32 頁 BNO：53 英鎊（另加郵遞費用24.72英磅）

Q4：如果舊唔見咗BNO點算好 ?

如 BNO 已經遺失、被盜或損毀，建議先去警局報失，領取英文版嘅報失紙，再上網申請補領
只要申請時附上「副署Countersign」，再額外填寫LS01表格。
萬一連護照編號都唔記得，可漏空不填。

Q5：係咪任何人都需要副署?

其實一般人士續領 BNO 時，都可豁免填寫副署人一欄，除非你面容有好大變化、7年以上無續期、護照資料有需要修改、補領已遺失、被盜或損毀的護照，申請表格就必須有副署人簽名。
查詢：https://www.gov.uk/countersigning-passport-applications/when-to-sign-what-to-do

「副署Countersign」之所以被廣受談論，係因為近年香港BNO續期者唔想申請表格被「打回頭」，先找合資格人士進行副署，再把申請資料寄出，提高續領成功機會。

Q6：副署可以搵邊個幫手簽?

－認識申請人最少兩年，例如朋友、鄰居或同事及
－英國、愛爾蘭、其他歐盟國家或美國有效護照的持有人，有 BNO 都算，及
－必須為專業人士，但搵公務員、攝影師、記者都得
－有血緣或婚姻關係、居任同一地址的伴侶均不可互相副署

Q7：揸BN(O)有乜好 ?

－189個國家免簽證，包括幾個香港特區護照需要簽證的英聯邦國家
－可用於旅行，或於外地遇事時要求領事服務
－出入歐洲可使用EU櫃枱，短時間transit超啱用！
－持BN(O)於英國住滿半年，可享有選舉權

另外，以下是國際關係專家沈旭暉於2016年1月在臉書提到的「主要用途」：

(1) 一旦香港政體改變、一國兩制取消、其他國家不承認特區護照等事發生，依然可以BNO走到世界各地，作為最後逃生門
(2) 在中國境外遇上事故，而一旦中國使館不能幫忙，可向英使館求助
(3) 在英國投票民主選舉各級議員及國家領導人 (有居住附加條件)

唯一副作用：不能參選香港行政長官，完。

Q8：舊證上有美國Visa 未過期可以點算?

放心，相關部門會將舊嗰本寄返畀申請者，進入美國境內時帶住新舊護照同行就得。

UNDERGROUND BLOGGER

2017年3月9日星期四