《Face》：胞兄親證真癲 「龍心」歐洲衰強姦
「維園霆鋒」龍心（真名林克霖），雖然行為怪雞神化，但因生得似謝霆鋒，加上講嘢啜核，即成網絡紅人。唔知真癲定假傻嘅龍心，最近因衰手多惹禍， 先在今月2日在香港人網節目《星期5冇女2》涉非禮中泰混血模仙樂都（吳堯堯）、再被有線《怪談》主持岑寶兒（阿夢）踢爆，有人在維園六四燭光晚會公然自 瀆，龍心變女性公敵。
隨時惹官非的龍心，原來早年在保加利亞亦因涉及風化案件而入獄，他在YouTube影片上稱被屈強姦兼遭囚犯毆打。上週六（9日），龍心胞兄向本刊剖白弟弟病發情況，更無奈表示：「我哋都想佢俾人醫。」
35歲、言行古怪的龍心於今年4月在《城市論壇》自稱美國黑社會「福青幫」成員而「成名」，有指他擁碩士學歷兼曾在南非從事IT工作，但有傳他因甩拖兼入獄而搞到精神有問題，身世超離奇。
上月底，在北角經營玉器店嘅林生被胞弟龍心上門拍片滋擾，最後被迫報警，他說：「當時有客人，你又講粗口又拍晒片，我冇得容忍。」
阿爸避走
今年初，龍心甫回港即大鬧機場，更以粗口辱罵有份接機嘅林父，胞兄解釋：「爸爸自細管教我哋好嚴，可能佢（龍心）唔鍾意先會喺病發時亂講嘢。」
喜愛夜蒲
今月2日龍心被邀上人網節目《星期5冇女2》做嘉賓，多次出言挑逗兼對仙樂都郁手郁腳，事後仙樂都報案被非禮，龍心反指女方博出位。之後又發生六四自瀆事件，兩位受害者都聲稱已經報警。
非洲滋擾被押
上週六，本刊聯絡到龍心胞兄林先生，他透露為家中么子的龍心，自小上進好學，在澳洲考取碩士後，06年往英國及南非工作，直到佢被任職的南非IT 公司解僱後四處流浪。「09年佢開始諗嘢偏激咗，嗰時佢在非洲（盧旺達）因為滋擾同騷擾人而被扣押咗，咁我同家姐飛過去搵領事館幫手。 「我哋都仲未搵到咩原因令佢有個病，可能有啲嘢刺激到佢。唔排除佢在非洲嗰邊食咗啲咩嘢而搞到咁，到��家佢落街都會隨手摘啲花花草草嚟食。其實今年初我 哋接佢返嚟，帶佢睇精神科同食藥，都好似冇咩幫助。佢住咗醫院兩、三個月，每日我哋都去睇佢，之前佢有護士睇住，後來見佢冇暴力傾向，就畀佢落（醫院）樓 下花園散步。佢個病情好反覆，有時好正經、有時諗嘢就偏埋一邊。」
自製短片爆坐監
龍心阿哥指屋企係福建傳統保守家庭，各人關係自小唔親密，他續說：「醫生同我哋講長期困住佢，對佢冇好處，佢又唔算精神分裂，佢係精神病裏面最輕 （病情）。佢個病好反覆……當佢病發時，會有衝動做好多嘢，但其實來來去去都係佢一個啫，只係個名由『龍心』轉做乜乜乜啫。」 但本刊在YouTube發現，龍心在一條叫「龍心前傳」的電話錄音上，分享自己在非洲國家盧旺達及東歐小國保加利亞坐監時，自稱被人屈強姦的龍心說：「在 監房等上法庭時，警察打你，佢哋嘅眼神係『要打X死你』﹗你係強姦犯就係有罪，我理X得你有冇做過﹗」 本刊向龍心阿哥查證，他說：「舊年初在保加利亞，佢同個當地女仔分手而反面，個女仔告佢強姦，佢就俾扣押咗兩、三個月，但個女仔本身有精神病紀錄同冇證 據，後來細佬被判無罪。」不過，今次龍心疑行為不檢，阿哥亦大義滅親：「（如果）佢被人告判佢醫治，對佢嚟講係好事……我哋都冇得選擇，都想佢畀人醫。」 而龍心亦知衰潛水，本刊曾往他東涌住所叩門不獲回應。
460萬屋瘟女
住東涌東堤灣畔頂樓800多呎單位嘅龍心，是他於00年以260萬買入，該單位市值460萬，現與阿媽同住。屋內整潔乾淨，跟一般家庭冇乜分別，最特別之處在於窗台擺放神壇（圓圈），未知是否供龍心「變身」之用？
未癲前攬女
龍心飽讀詩書，周遊列國，識咗唔少朋友。佢仲好鍾意成班friend一齊蒲，而且絕大多數都係女性伴侶，估唔到龍心上得山多終遇虎啫！
豬扒女友
上兩個月，龍心與女友完事後拍下影片，佢仲話唔會放上網，女友點都估唔到被男友欺騙。
愈玩愈喪
樣有點似謝霆鋒的龍心（林克霖）因大鬧《城市論壇》，並自稱是美國黑社會第二把交椅而「響朵」。其間龍心曾衝擊金像獎、Lady GaGa演唱會，不過最近喺六四晚會疑似自瀆後，卻令他聲名狼藉。
1/4城市論壇「響朵」
愚人節，龍心到維園出席《城市論壇》，發言時自稱黑社會，在場人員馬上把咪收回，龍心自此成名。
16/4金像獎跳舞
金像獎當日，外形有三分似謝霆鋒的龍心帶埋幾個Ego Fight Club的「信徒」出擊，佢喺文化中心門外跳舞，龍心更迫「信徒」不停大叫：「謝霆鋒喺度呀﹗」，又喺紅地氈外圍大叫：「呢啲都叫明星？」
25/5衝擊Lady GaGa
Lady GaGa來港開演唱會，龍心一樣去潮拜。不過GaGa未開場，龍心已經喺門外high住喪跳，仲含住支花打坐，令其他觀眾側目。
阿夢：「我點會借佢（龍心）上位，如果唔係我就不停講番件事啦！總之我已經報咗警，我唔會再講！」
仙樂都（吳堯堯）：「唔想再有人受害，希望法律制裁佢。」
